Ronaldo mund sërish Messin, sportisti më me shumë të ardhura në sezonin 2021-22
Cristiano Ronaldo nuk po kalon moment magjik vetëm në fushë, por edhe jashtë saj. Sipas revistës “Forbes”, CR7 do të jetë futbollisti që do të përfitojë më shumë para gjatë sezonit 2021-2022, duke zhvendosur në vendin e dytë rivalin e tij të përjetshëm, Lionel Messi.
Ronaldo pritet të fitojë 125 milionë dollarë, pa hequr taksat, gjatë sezonit 2021-22, me 70 milionë dollarë që vijnë nga paga e tij dhe shpërblimet për kthimin në “Old Trafford”.
Messi ndërkohë renditet në vendin e dytë me 110 milionë dollarë, por para dy shokëve të tij Neymar dhe Kylian Mbappe. Pesëshja më e mirë kompletohet nga Mohamed Salah i Liverpoolit.
Me 55 milionë dollarë fitime që vijnë nga marrëveshjet komerciale, Ronaldo është një nga sportistët më të paguar në botë kur është fjala për të ardhurat e sponsorizimit.
Vetëm tre atletë të tjerë aktivë fitojnë më shumë para nga marrëveshjet me sponorët se CR7: Roger Federer (90 milionë dollarë), LeBron James (65 milionë dollarë) dhe Tiger Ëoods (60 milionë dollarë).