Home Sporti Sot shorti i ...

Sot shorti i Euro 2024! Kombëtarja e Sylvinhos mëson kundërshtarët

1544
0

Sot, duke nisur nga ora 18:00 hidhet shorti i fazës finale të “Euro 2024” dhe Shqipëria mëson kundërshtarët. 21 skuadrat e kualifikuara deri më tani dhe 3 të tjerat që do të dalin nga përballet e play-off janë të ndara në 4 vazo me nga 6 ekipe dhe do të shortohet me njëra-tjetrën për të përcaktuar 6 grupet me nga 4 skuadrat të Gjermani 2024.

Shqipëria ndodhet në vazon e dytë së bashku me Hungarinë, Turqinë, Rumaninë, Danimarkën dhe Austrinë me të cilat nuk mund të përballemi. Në vazon e parë janë ekipet e forta duke nisur me Gjermaninë organizatore që do pozicionohet në grupin A dhe Portugalia, Franca, Spanja, Belgjika dhe Anglia. Në vazon e tretë ekipet që duhen evituar janë Holanda e Kroacia ndërsa rivalë më të pranueshëm janë Skocia, Sllovenia, Sllovakia e Çekia së cilës i morëm 4 pikë në eliminatore.

Në vazon e katërt ndodhet Italia kampione në fuqi, Serbia e Zvicra dhe do të pozicionohen edhe tre fitueset e play-off-eve. Në play-ofin A fituesja do të dalë nga përballjet Poloni-Estoni e Uells-Finlandë. Fituesi i play-off B nga sfidat Bosnje Hercegovinë-Ukrainë dhe Izrael-Islandë dhe fituesi I play-off C nga duelet Greqi-Kazakistan e Gjeorgji-Luksemburg.

Për Shqipërinë, mundësitë janë nga më të ndryshmet që nga një short i pranueshëm e deri tek një grup “ferri”. Për fazën me eliminim të Europianit kualifikohen dy ekipet e renditura të parat dhe katër të tretat më të mira. Shqipëria u kualifikua për herë të dytë në histori në Europian si fituese e grupit E eliminator. Europiani i Gjermanisë do të zhvillohet në dhjetë qytete, nga 14 qershori deri në 14 korrik të vitit të ardhshëm.

LAJMET KRYESORE

Të përzgjedhura

Më shumë nga Sporti

Me shumë nga Sport

Lajmet e Fundit

Te Fundit