Laçi vendit të fundit merr një fitore surprizuese ndaj Egnatias

Laçi regjistroi fitoren e dytë në kampionat. Kurbinasit triumfuan me rezultatin 2-0 ndaj Egnatias, në ndeshjen e vlefshme për javën e 11-të në Superiore.

Skuadra e drejtuar nga Moriero, shënoi nga një gol për çdo pjesë, për të marrë 3 pikë shumë të rëndësishme. Prodani zhbllokoi takimin në minutën e 11-të, ndërsa William Cordeiro dyfishoi shifrat në minutën e 54-t.

Me këtë sukses, Laçi largohet nga vendi i fundit dhe renditet i nënti me 10 pikë, ndërsa Egnatia zbret në vendin e tretë me 16 pikë.