Teuta kalon Erzenin, zbulohen duelet e çerekfinaleve të Kupës së Shqipërisë

Teuta është çerekfinalisti i fundit i Kupës së Shqipërisë pasi mposhti në sfidën e kthimit në fazën e 1/8-ve Erzenin me rezultatin 1-0, ndërsa ndeshja e parë u mbyll në barazim 1-1. Sfidën e vendosi goli i Ildi Grudës në minutën e 84-t të takimit.

Partizani, Kukësi, Laçi, Tirana, Kastrioti, Egnatia, Vllaznia e Teuta janë 8 ekipet që do të vazhdojnë garën për të fituar trofeun e rëndësishëm. Takimet e para të fazës çerekfinale do të luhen më 1 mars, ndërsa ndeshjet e kthimit do të zhvillohen më 15 mars.