Sukses për Shqipërinë, Çullhai del i treti në kampionatin ndërkombëtar të xhudos ”British Open”
![](https://kohajone.com/wp-content/uploads/2024/02/417507726_24992601163719273_151968901191998149_n-1.jpg)
Një sukses të madh ka arritur xhudisti Indrit Çullhai, me vendin e tretë në kampionatin ndërkombëtar të xhudos “British Open” që u zhvillua në Londër. Pjesëmarrës në aktivitet ishin 450 sportistë, teksa sportisti shqiptar, i cili garon në peshën 73 kg arriti të dalë i treti.
Vetë sportisti Çullhai ka postuar në rrjetin e tij social e dhe ndeshjet e fituara. Medalja u dorëzua nga medalisti olimpik, japonezi Ebinuma Masashi. Ai ka falënderuar dhe ambasadorin e Britanisë në Tiranë, Alastair King-Smith për mbështetjen ndaj Ekipit Kombëtar të Xhudos.
“Na bëre të mundur që të kemi bashkëpunime me sportistët anglezë e të shkëmbejmë eksperienca me njëri-tjetrin për të pasur rritje e zhvillim sporti i xhudos në Shqipëri”, shkruan Çullhai.