Dita Botërore e Pastrimit, Edi Rama bën thirrje për aksion skaj më skaj Shqipërisë

Kryeministri Edi Rama e nis fundjavën me pamje nga Plani Kombëtar për pastrimin e Shqipërisë dhe kërkon një angazhim të madh. Sipas tij, nismës i janë bashkuar shumë vullnetarë gjatë rrugës, për të pastruar vendin skaj më skaj.

“Mirëmëngjes, dhe me ftesën për t’iu bashkuar Ditës Botërore të Pastrimit në një aksion të madh mjedisor, të cilin ne kemi kohë që e kemi nisur skaj më skaj Shqipërisë përmes Planit Kombëtar të Pastrimit, që ka shënuar rezultate mbresëlënëse, duke sensibilizuar gjithnjë e më shumë qytetarë të përgjegjshëm që na janë bashkuar vullnetarisht në këtë nismë, ju uroj një fundjavë të mbarë”, shkruan Rama.