Mbrojtësi anglez dëmtohet në stërvitje, Kumbulla mbetet titullar

Chris Smalling nuk e ka nisur në mënyrën më të mirë aventurën e dytë te Roma. Mbrojtësi qendror anglez nuk do të marrë pjesë në ndeshjen e radhës të Serie A, të planifikuar për të dielën në mbrëmje në “Olimpico”, kundër Benevento.

Në stërvitjen e së enjtes ai ka pësuar goditje në gjurin e majtë. Për Smalling, sot parashikohet një punë e personalizuar dhe shanset për ta parë në fushë zvogëlohen në zero.

Mbrojtësi anglez pritet të rikuperohet në kohë për debutimin e së enjtes së ardhshme në Ligën e Europës, në fushën e Young Boys. Gjendja e tij do të vlerësohet çdo ditë, hap pas hapi. Trajneri Fonseca do të mbështetet në treshen e përbërë nga Mancini, Kumbulla dhe Ibanez.