Home POLITIKE Zv/kryeminist...

Zv/kryeministrja Balluku në Londër, nënshkruan marrëveshjen e huas për hekurudhën Vorë-Hani i Hotit

156
0

Ministrja e Infrastrukturës dhe Energjetikës, njëherësh edhe zv/kryeministre e qeverisë shqiptare, Belinda Balluku ka nënshkruar në Londër me presidenten e BERZH marrëveshjen e huasë për ndërtimin e linjës hekurudhore Vorë-Hani i Hotit.

“Në Londër me Presidenten e BERZH, Odile Renaud-Basso, nënshkruam marrëveshjen e huas për ndërtimin e linjës hekurudhore Vorë-Hani i Hotit. Një projekt i rëndësishëm për ne dhe rajonin, i cili do të rrisë komunikimin mes vendeve, duke nxitur e lehtësuar lëvizjen e qytetarëve”, shkruan ministrja në postimin e saj në rrjetet sociale ku ka ndarë edhe disa foto nga nënshkrimi i marrëveshjes së huas.

Hekurudha Vorë-Hani i Hotit është një nga linjat për të cilën ka pasur vëmendje të shtuar pas punës së nisur për rehabilitimin e linjës Tiranë-Durrës dhe pjesës së re në Rinas teksa vetëm pak ditë më parë u mbyll edhe kontrata për studimin e fizibilitetit të lidhjes me Kosovën Durrës-Prishtinë.

Vlera totale e projektit është 356 milionë euro, teksa do të jetë bashkëfinancim nga një sërë institucionesh financiare ndërkombëtare, ku vendi ynë ka kërkuar hua. Hekurudha Vorë-Hani Hotit kalon në shtatë bashki dhe përshkon Ultësirën Perëndimore të Shqipërisë, me drejtim nga Jugu në Veri. Hekurudha lidh qendrat urbane të Vorës, Mamurrasit, Laçit, Milotit, Lezhës, Shkodrës dhe Koplikut.

Ajo kalon kufirin shtetëror Shqipëri/Mal i Zi në Hanin e Hotit (km 140). Sipas ndarjes administrative, hekurudha përshkon territoret e shtatë bashkive (Vorë, Krujë, Kurbin, Lezhë, Vau Dejës, Shkodër dhe Malësi e Madhe). Linja ekzistuese hekurudhore Vorë-Hani i Hotit u ndërtua në dy faza: nga Vora në Laç në fillim të viteve 1960, ndërsa nga Laçi deri në kufirin e Shqipëri-Mali i Zi, në vitin 1985.

LAJMET KRYESORE

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit