Do të jenë të paktën 60 mijë tifozë që do të lejohen për të qenë në stadiumin “Wembley” për dy gjysmëfinalet dhe finalen e “Euro 2020”, e cila është parashikuar që të luhet më 11 korrik.
Ditën e sotme qeveria britanike ka bërë të ditur se do të lejohet që të mbushet 75 për qind e impiantit me tifozë. Për 3 ndeshjet e fazës së grupeve, kapaciteti i lejuar ka qenë 25 për qind.
Kërcënimet e UEFA-s për shtimin e numrit të tifozëve kanë dhënë efekt, teksa tashmë atmosfera do të jetë edhe më e ndezur në Londër. /R.Lika-Koha Jone/
