Manjani ironizon Ramën: Çudi, edhe në Vlorë paska pakënaqësi!

Ish-ministri i Drejtësisë, Ylli Manjani ka reaguar për takimin që zhvilloi sot paradite kryeministri Edi Rama me studentët e Universitetit të Vlorës “Ismail Qemali”.

Përmes një statusi në rrjetin social “Facebook” shkruan se është çudi që edhe në Vlorën ku u zgjodh kryeministri si deputet ka pakënaqësi.

“Çudi! Në Vlorë, ku u votua vetë Kryeministri, paska pakënaqësi! Ta ketë kurdisur opozita edhe këtë?! Apo kazani?!”, shkruan Manjani.

Përballja e shefit të qeverisë me studentët u karakterizua nga debate të ashpra, ku studentët nuk ngurruan të sulmojnë qeverisjen dhe aktorët politikë.