Pamjet e tmerrshme të pasojave të tërmetit në Shqipëri (FOTO/VIDEO)

Kryesore WebTV E Martë, 26 Nëntor 2019 15:00

Tërmeti i orës 03:35 minuta konsiderohet ndër më të fortët në Shqipëri. Deri në orën 16:00 numërohen 16 viktima në Thumanë të Krujës dhe Durrës. Numri i të plagosurve është 600, ndërsa persona të nxjerrë nga rrënojat janë 42. Kërkimet vazhdojnë prej 12 orësh dhe autoritet bëjnë me dije se do të vijojnë edhe gjatë natës.

Eksperti sizmiolog Rrapo Ormeni deklaroi se tërmeti i sotëm, 6.4 ballë i Shkallës Rihter është mes 50 tërmeteve më të fortë që kanë rënë në Shqipëri në 2 mijë vjet.“Është ndër 55 tërmetet e fortë që ka rënë deri më sot. Tërmeti kishte thellësi të madhe, 33 km. Pas ’69, ky ka qenë tërmeti më i fortë. Shkenca nuk mund t’i përcaktojë tërmetet, nuk mund ta bëjë askush. Ky tërmet ka rënë në zonën e zjarrit, që karakterizohet nga tërmete të fuqishme. Tërmeti nuk parashikohet. Pasgoditjet vijojnë, dhe siç dihet edhe një goditje e vogël shkakton panik”, tha sizmologu.