Juventus rigjen suksesin pas 43 ditësh në Seria A, mund me vuajtje Monza-n

Juventus rikthehet në rrugën e fitoreve në kampionat pas disa barazimeve radhazi. Skuadra e Thiago Motta-s triumfoi 2-1 në transfertën ndaj Monza-s.

McKennie zhbllokoi ndeshjen që në minutën e 14-të me një goditje të saktë brenda zonës. Kundërpërgjigja e vendasve ishte e shpejt me Birindellin që gjeti golin e parë ndaj ekipit torinez.

Në fundin e pjesës së prë, Nico Gonzales shënoi golin e dytë për bardhezinjtë duke përfituar nga një tjetër përgjumje e Monza-s në zonën e vogël të portierit.

Në pjesën e dytë, vendasit tentuan më shumë që të gjenin barazimin, ndërkohë që Juventus krijoi pak shanse për ta thelluar rezultatin. Ekipi torinez shkon në kuotën e 31 pikëve në vendin e 6-të. /R.Lika-Koha Jonë/