“1 qershori” në Bajram Curri, dhurata nga Fondacioni Fëmijët Shqiptarë

1 qershori është pritur me festime për fëmijët në qytetin e Bajram Currit.

Këngëve dhe valleve të tyre i janë shtuar edhe dhuratat që janë shpërndarë nga Presidentja e Fondacionit Fëmijët Shqiptarë, Liri Berisha për kopshtin numër 2 në këtë qytet.

Donacioni për fëmijët e këtij kopshti përfshinte krevatë, dyshek, batanije, çarçaf dhe lodra.

Gjatë fjalës së saj Liri Berisha shprehu gatishmërinë për ti ardhur sërish në ndihmë fëmijëve tropojanë.

Kopshti nr 2 në qytetin e Bajram Currit është rikonstruktuar para pak ditësh me financim të qeverisë së Austrisë dhe Zvicrës, përmes programit të zhvillimit rajonal.