1 viktimë dhe 57 raste të reja në 24 orë, vetëm 107 pacientë të shtruar

Vijon ulja drastike e shifrave nga Covid-19 në Shqipëri. Sipas Ministrisë së Shëndetësisë, betejën në 24 orët e fundit nuk e ka fituar vetëm një pacient dhe numri i jetëve të humbura nga Covid-19 që nga fillimi i pandemisë, shkon në 2412. “Me gjithë përpjekjet e stafit mjekësor, 1 qytetarë 64-vjeç nga Tirana nuk e ka fituar betejën me Covid-19. Ministria e Shëndetësisë dhe Mbrojtjes Sociale i shpreh ngushëllimet familjes”.

Po në 24 orët e fundit janë kryer 1,952 testime, nga të cilat kanë rezultuar pozitivë 57 qytetarë. “Rastet pozitive të konfirmuara janë identifikuar në këto bashki: 14 raste në Tiranë, 6 në Korçë, 5 në Devoll, nga 4 raste në Lushnje, Vlorë, nga 3 raste në Memaliaj, Gramsh, nga 2 raste në Vorë, Pogradec, Mallakastër, Fier, Shkodër, nga 1 rast në Durrës, Elbasan, Berat, Kamëz, Gjirokastër, Sarandë, Pustec, Dropull”.

Lajmi i mirë është se në 24 orët e fundit janë shëruar 963 qytetarë, duke e çuar numrin e të shëruarve në 117,089 që nga fillimi i epidemisë. Aktualisht në spitalet Covid po trajtohen 107 pacientë, 8 në terapi intensive, nga të cilët 2 pacientë janë të intubuar.

Statistika (09 Maj 2021)

Raste të reja ditore 57
Të shëruar në 24 orë 963
Të shtruar në spitale 107
Humbje jete në 24 orë 1
Testime ditore 1,952
Testime totale 658,828
Raste pozitive 131,723
Raste të shëruara 117,089
Raste aktive 12,222
Humbje jete 2,412

Shpërndarja gjeografike e rasteve aktive sipas qarqeve:

Tiranë 10244
Shkodër 341
Fier 294
Korçë 234
Gjirokastër 245
Durrës 199
Vlorë 189
Elbasan 134
Lezhë 101
Berat 91
Dibër 85
Kukës 65