10 deputetët e pasur, që qiranë ia paguan shteti (LISTA)

Në mesin e 140 deputetëve të kuvendit të Shqipërisë, janë 10 deputetë që përfitojnë ndihmë nga shteti për qiranë e shtëpisë në Tiranë, në një shumë prej 35 mijë lekësh të reja.

Sipas listës të publikuar nga Top Channel, deputetët që marrin paratë e qirasë nga shteti janë nga të dyja palët, si të opozitës, ashtu edhe të pushtetit. Ata kanë shfrytëzuar të drejtën që iu japin ligjet (që i bëjnë vetë) sipas të cilave një deputet që nuk banon në Tiranë, i garantohet ndihmë financiare nga shteti.

Sipas të dhënave të publikuara nga emisioni ”Exlusive” në TCh, pasuria e 140 deputetëve e mbledhur bashkë shkon në total rreth 150 milion. Në këtë llogari mungojnë deklaratat e pasurisë së deputetëve më të vjetër që nuk kanë deklaruar pasurinë para shumë viteve, por vetëm shtesat ndër vite.