100 të rinj nga Ballkani mblidhen në Tiranë

Tirana është kthyer këtë vit në kryeqendër e politikës Europiane. Rreth 100 të rinj nga Bosnja dhe Hercegovina, Kosova, Maqedonia e Veriut, Mali i Zi dhe Serbia, janë bërë bashkë në Tiranë. Programi “Perspektiva e të rinjve”, në kuadër të “Reload 2”, mbahet në Tiranë në datat 16-17 nëntor, me në fokus diskutimet për mjedisin, zhvillimin ekonomik, integrimin në BE dhe rolin e tyre në komunitet.

Të rinjtë nga i gjithë rajoni, diskutojnë mbi mundësitë për të hartuar strategji të përbashkëta, si dhe të diskutojnë drejtpërdrejtë me politikëbërësit. Programi Rajonal për Demokracinë Lokale në Ballkanin Perëndimor 2 është i financuar nga BE me qëllim forcimin e demokracisë në Ballkanin Perëndimor si dhe procesin e integrimit në Union për këto vende.

Projekti synon fuqizimin e shoqërisë civile dhe rinisë, për të pasur më shumë rol në vendim-marrje, në mënyrë që të imponojnë në politikbërje për një mjedis ligjor dhe financiar në funksion të shoqërisë civile.