108 vjetori i Policisë Shqiptare, Maliqi: Përulja ime shkon për të gjithë efektivët e rënë në krye të detyrës

Deputeti Lefter Maliqi ka përkujtuar 108 vjetorin e Policisë Shqiptare, teksa nderon pa asnjë rezervë figurën e punonjësit të Policisë së Shtetit.

Dhe në veccanti, thotë Maliqi, përulja shkon për të gjithë Efektivët e Policisë së Shtetit të rënë në krye të detyrës.

Mesazhi i Lefter Maliqit

Të dashur miq!

Edhe pse prej vitesh jam pjesë e Politikës, ‘këpucët’ e para që kam veshur e i kam mbajtur gjatë, kanë qenë ato të Policisë së Shtetit.

Këtë 108-vjetor të Policisë së Shtetit, dua të nderoj pa asnjë rezervë figurën e punonjësit të Policisë së Shtetit.

Rezervat i kam për zyrtarë e qeveritarë që nuk kanë ditur e dashur ta trajtojnë dhe orientojnë Policinë e Shtetit aty dhe ashtu siç i ka hije.

Lufta ndaj krimit, drogës, siguria publike etj., mbeten sfidat e uniformave blu.

Unë më shumë se kushdo, që kam qenë i nderuar që kam mbajtur disa detyra ndër vite si; shef policie, shef rendi, shef i Policisë Kriminale, shef Komisariati, Pedagog në Akademinë e Policisë, nga Shkodra në Gjirokastër, duhet të theksoj fortë vështirësitë me të cilat përballet një punonjës Policie sot.

Vlerësimi im sot, shkon për figurën dinjitoze, për atë që mban uniformën e Policisë së Shtetit ndershmërisht, dhe jo atë që përlyhet me palën të cilën duhet ta luftojë e prangosë.

Në veçanti sot, përulja ime shkon për të gjithë Efektivët e Policisë së Shtetit të rënë në krye të detyrës.

Le të reflektojmë të gjithë bashkë, të paktën në përvjetorë si këta, më shumë se një shekullor…