11 të vdekur në Francë e Itali nga përmbytjet

Moti i keq dhe përmbytjet e shkaktuara në Francë dhe veri të Italisë u kanë marrë jetën të paktën 11 personave, mes tyre edhe fëmijë.Sipas “Euronews”, në Francë kanë humbur jetën 5 persona si rezultat i vërshimeve në jug të vendit.

Të paktën gjashtë persona kanë humbur jetën si pasojë e përmbytjeve dhe rrëshqitjeve të dheut.Në Gjenova forcat e kërkim-shpëtimit po kontrollojnë zonën për gjetjen e një personi të shpallur të zhdukur, pasi shpërthimi i një përroi e vuri para bashkë me makinën e tij.