113 kg drogë, tre shqiptarë në pranga

Sekuestrohet në kufirin shqiptaro-grek një sasi prej 113 kg lëndë narkotike. Policia ka mundur të arrestojë tre shqiptarë, ndërsa dy të tjerë kanë mundur të largohen me vrap në zonën pyjore të Leptokarias, Igumenicë. Shqiptarët e arrestuar janë përkatësisht 23, 24 dhe 31-vjeç, ndërsa po transportonin me çanta 99 pako me lëndë narkotike të dyshuar marijuanë. Policia ka nisur kërkimet edhe për dy shqiptarët e tjerë që arritën të largoheshin.