12 emra të njohur të krimit nuk i binden OFL. SPAK ka nisur verifikimet

Të gjithë në Shqipëri flasin për Operacionet Forca e Ligjit por çfarë po ndodh më tej? 12 emra të njohur të krimit, të cilët nuk i’u bindën Operacionit Forca e Ligjit me justifikimin e pasurive, mësohet se tashmë janë në proces verifikimi prej më shumë se 5 ditësh nga Prokurorët e Strukturës së Posaçme kundër Korrupsionit dhe Krimit të Organizuar.

SPAK ka 15 ditë kohë që këtë kërkesë për sekuestro ta dorëzojë pranë Gjykatës së Posaçme, GJKKO, e cila ka gjithashtu 15 ditë kohë për të marrë vendimin e sekuestros ose jo, të pasurive të dyshimta të vëna me parakrimi.

Prokurorët kanë përfunduar disa verifikime dhe javën e ardhshme, do t`i drejtohen gjykatës me kërkesë. Formularët e dorëzuar për vetëdeklarim Lulzim Berishës, Ardian Çapjes, Suel Çelës, Dashamir Gjokës, Edlir Hysenajt, Emiljano Hysenajt, Saimir Taullaut, Arben Isufajt dhe Plarent Dervishajt janë në proces verifikimi, edhe pse më parë disa prej tyre janë hetuar me ligjin ”Antimafia”. Me marrjen në dorë të deklaratave të pasurive të tyre, ato janë dorëzuar në SPAK dhe tashmë pritet që me veprimet dhe hetimet e kryera ndaj tyre, kërkesa ti drejtohet gjykatës për marrjen e masës së sekuestros.

Prokurorët do t’i kërkojnë policisë material shtesë, pretenduar se në shumë referime nuk kanë objektin e hetimit dhe vlerësimit të pronës që duhet sekuestruar. Një prej tyre është rasti i Emiliano Shullazit, ndërsa OFL thotë se barrën e provës duhet ta kenë të dyshuarit.