15-vjeçarja befason ambasadorin Soreca, i merr mikrofonin: E shoh veten si prokurore

Në turin e vizitave në kuadër të Javës Europiane, ambasadori i BE-së në Tiranë, Luigi Soreca ditën e djeshme u ndal në Përmet, aty ku një 15-vjeçare e ka befasuar me dëshirën e shprehur për të sjellë drejtësi.

Përmes një postimi në Twitter, Soreca shkruan se e reja i ka marrë mikrofonin dhe shprehu dëshirën e saj për tu bërë prokurore në të ardhmen, për të kontribuar në forcimin e shtetit të së drejtës.

“Momenti i ditës në Përmet ishte kur kjo vajzë e re mori Mikrofonin dhe më tha “Për 15 vjet e shoh veten si prokurore për të dhënë kontributin tim në forcimin e shtetit të së drejtës në Shqipëri”. Me të rinj të tillë të përkushtuar Shqipëria ka një të ardhme të ndritur përpara”, shkruan Soreca në Twitter.

Moment of the day in #Permet was when this young girl picked up the 🎤 and told me: ” In 15 years I see myself as a prosecutor to give my contribution to strengthening the rule of law in 🇦🇱”. With such committed young people Albania has a bright future ahead!
#EU4Albania🇪🇺🇦🇱 https://t.co/o11Zl4EoUR pic.twitter.com/yX4IWpmFJ6

— Luigi Soreca🇪🇺 (@LSorecaEU) May 25, 2021