16 viktima në 24 orë dhe mbi 2 mijë jetë të humbura, ulen rastet e reja

Shqipëria prej muajsh është në një luftë të egër me Covid-19, ku çdo ditë fatkeqësisht numri i jetëve të humbura është i lartë. Në 24 orët e fundit sipas Ministrisë së Shëndetësisë, betejën me virusin vdekjeprurës nuk e kanë fituar 16 pacientë dhe numri i jetë të humbura që nga fillimi i pandemisë shkon në 2122.

”4 qytetarë nga Tirana, 3 qytetarë nga Vlora, 2 qytetarë nga Shkodra, 2 qytetar nga Lushnja, 1 qytetar nga Fieri, 1 qytetar nga Himara, 1 qytetar nga Elbasani, 1 qytetar nga Librazhdi, 1 qytetar nga Mirdita, të moshave 54- 87 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”,-informon Ministria e Shëndetësisë.

Po në 24 orët e fundit, janë kryer 2986 testime, nga të cilat kanë rezultuar pozitivë 494 qytetarë. ”126 raste në Tiranë, 45 në Shkodër, 35 në Fier, 33 në Durrës, 24 në Elbasan, 20 në Berat, nga 16 raste në Kurbin, Kukës, Vlorë, nga 10 raste në Lushnje, Kamëz, nga 9 raste në Mirditë, Mallakastër, Gjirokastër, Sarandë, 8 në Korçë, nga 7 raste në Pogradec, Memaliaj, nga 6 raste në Mat, Ura Vajgurore, nga 5 raste në Tropojë, Tepelenë, Peqin, Vorë, nga 4 raste në Krujë, Lezhë, Vau i Dejës, Selenicë, Gramsh, nga 3 raste në Devoll, Kavajë, Roskovec, Kuçovë, Patos, nga 2 raste në Përmet, Delvinë, Shijak, Skrapar, nga 1 rast në Has, Dibër, Malësi e Madhe, Bulqizë, Kolonjë, Maliq, Cërrik, Poliçan, Dropull, Këlcyrë”.

Lajmi i mirë është se në 24 orët e fundit janë shëruar 690 qytetarë, duke e çuar numrin e të shëruarve në 83,954 që nga fillimi i epidemisë. Aktualisht në spitalet Covid në Tiranë dhe tre spitalet rajonale po trajtohen 390 pacientë, 33 në terapi intensive, nga të cilët 13 pacientë janë të intubuar. Sot janë kryer 4998 vaksinime anti-covid dhe që nga fillimi i vaksinimit janë kryer 41,321 vaksinime për personelin shëndetësor, të moshuarit dhe mësuesit.

Statistika (19 Mars 2021)

Raste të reja ditore 494
Të shëruar në 24 orë 690
Të shtruar në spitale 390
Humbje jete në 24 orë 16
Testime ditore 2986
Testime totale 526,058
Raste pozitive 120,022
Raste të shëruara 83,954
Raste aktive 33,946
Humbje jete 2122

Shpërndarja gjeografike e rasteve aktive sipas qarqeve:

Tiranë 23074
Fier 2575
Durrës 1572
Vlorë 1458
Shkodër 1279
Gjirokastër 1215
Korçë 810
Lezhë 674
Elbasan 444
Dibër 344
Kukës 326
Berat 175