176 persona me Covid-19 në Shqipëri

Në 24 orët e fundit, në vendin tonë është konfirmuar vetëm një rast me koronavirus, ndërsa numri i përgjithshëm i të infektuarve është 949.

Nga ky numër, sipas të dhënave të njoftuara nga Ministria e Shëndetësisë, vetëm 176 raste janë aktive ndërsa 742 të tjerë janë tashmë të shëruar. Pra, 78 % e të prekurve tashmë e kanë fituar luftën me Covid-19. Po ashtu, brenda ditës janë shëruar nga virusi 15 persona të tjerë.

Sipas MSH, në spitalin Infektiv, gjendja paraqitet e qëndrueshme prej ditësh me 15 pacientë të shtruar dhe vetëm 3 prej tyre në terapi intensive. Prej më shumë se dy javësh fatmirësisht nuk kemi asnjë humbje jete.