18 Maj/Rama: Do të ishte vetëvrasje nëse…

Kryeministri Edi Rama, tha se nga e hëna karantinimi i të riatdhesuarve nuk do kryhet më në hotele por në shtëpi, duke zbatuar në mënyrë strikte rregullat. Në konferencën për shtyp me ambasadorin e BE-së, Luigi Soreca, kreu i qeverisë tha se nëse më 18 maj hapim lokalet, kafenetë në mjediset e jashtme dhe kjo nuk respktohet, kjo do të ishte vetëvrasje.

”Duke filluar nga e hëna nuk kryhet më nëpër hotele por nëpër shtëpi duke respektuar rregullat e karantimit në bazë të asaj çfarë kemi thënë. Qëllimi është që deri në fund të javës të kemi relaksim të mëtejshëm. Pas 18 majit do të lehtësojmë lëvizjen brenda për brenda por dhe jashtë. Nëse kemi do kemi rritje të numrave do bëjmë hapa mbrapa. Le të mbrojmë fort Shqipërinë, roli individual i rëndësishëm. Nëse me 18 maj hapim lokalet, kafenetë në mjediset e jashtme dhe kjo nuk respktohet, kjo do të ishte vetëvrasje. Ua thashë shembullin e koresë së Jugut. Situata mund të dalë lehtë jashtë kontrollit”.