19-vjeçarja arratiset nga shtëpia në Durrës, habit policinë me deklaratën pas rikthimit

Një ngjarje e pazakontë ka ndodhur në qytetin e Durrësit, teksa një 19-vjeçare është zhdukur nga shtëpia. Familjarët e alarmuar i janë drejtuar policisë për të zbuluar ku gjendet vajza e tyre.

Pasi kanë pritur rreth një ditë për ardhjen e të resë nga fshati Xhafzotaj, familjarët e kanë denoncuar rastin në polici. Menjëherë pas denoncimit e reja me inicialet Xh.H është rikthyer. E pyetur nga policia për arsyen e largimit të saj, e reja është shprehur se ishte arratisur me dëshirën e vet nga shtëpia.

Deklarata e të resë ka bërë që policia ta çojë dosjen në prokurori për të zbuluar shkaqet e vërteta në arratisjes së të resë, nëse është kryer për motive të dhunës në familje apo për arsye të tjera.