19 vjeçarja shqiptare që humbi jetën në Itali nga një aksident fatal

Nuk ndalojnë edhe në Itali aksidentet me shqiptarë.

Eralda Spahillari, 19-vjeç humbi jetën tragjikisht mesnatën e së shtunës, nga një aksident tragjik në Itali.

Shqiptarja studionte për estetikë. Këtë profesion mendonte ta bënte në Shqipëri, ku donte të kthehej dhe të hapte biznesin e saj. Eralda banuese në ‘Ponte di Piave’, së bashku me Barbara Brotto, 17-vjeçe, e cila mbeti po ashtu e vdekur, po shkonin në një klub në zonën e Trevisos, por makina e tyre nuk mbërriti kurrë atje, pasi dy vajzat humbën jetën.

Me sa duket shpejtesia jashtë normave ka shkaktuar aksidentin.

Në krah të saj, duke drejtuar makinën që u përplas me një pemë, ishte edhe i dashuri i saj, gjithashtu 19 vjeç, i cili ndodhet i shtruar në spital.

Sipas miqve, çifti së fundmi ishte fejuar zyrtarisht, sipas traditës shqiptare.

“Ata po përgatisnin një festë të madhe për këtë verë, një lloj paramartese’- shpjegon shoku i klasës, ‘Ata kishin shkuar me pushime në Paris dhe ai i kishte bërë propozimin zyrtar duke i dhënë një unazë fejese. Kur lexova lajmin e aksidentit sot në mëngjes, mbeta në harresë për fjalët, nuk doja ta besoja”- përfundoi ai.