190 mijë të rinj pa punë, por as në shkollë nuk janë
Aktualitet E Premte, 26 Gusht 2022 21:50
Shumë është folur për rininë që ikën, por kjo që është në vend, çfarë po bën? Rreth 190 mijë të rinj në Shqipëri nuk rezultojnë as të punësuar, as se janë duke u arsimuar dhe as në aftësim për të marrë një profesion.
Kështu thuhet në strategjinë kombëtare të rinisë për vitet 2022-2029 e cila është hedhur për konsultim publik. Sipas këtij dokumenti kjo shifër përbën rreth 28 % të të rinjve dhe është më shumë se dyfishi i mesatares së bashkimit europian.
Në BE shifra e të rinjtë që nuk janë pjesë e punësimit dhe arsimimit apo aftësimit është 12,6 %. Shqetësuese për autoritet shqiptare është se 18 mijë të rinj nga 190 mijë që nuk janë pjesë skemave të arsimit dhe punësimit janë të regjistruar në zyrat e punësimit.
