2023 troket edhe në Shqipëri, ”Koha Jonë” uron shqiptarët kudo që ndodhen: Një vit të mbarë!

Viti 2023 ka trokitur edhe në Shqipëri. Redaksia e ”Koha Jonë” uron të gjithë shqipëtarët, kudo që të ndodhen, për një vit të begatë me shëndet, mirësi dhe më të mirë se 2022!

Mijëra qytetarë të Tiranës u mblodhën në Sheshin Skënderbej për të shijuar spektaklin e fishekzjarrëve në mesnatë, për të festuar ndërrimin e viteve. Temperaturat e favorshme bënë që njerëzit të ishin të shumtë në shesh dhe rrugët e kryeqytetit, për të pritur në mënyrën më të mirë të mundshme vitin 2023.

Edhe në qytetet kryesore të vendit, si në Durrës, Vlorë, Shkodër e Korçë, etj. autoritetet lokale kishin organizuar koncerte, shoqëruar me fishekzjarrë.

Qoftë vit i begatë për shqiptarët kudo që ndodhen!