21-vjeçari pa patentë përplas 11-vjeçarin në Lushnje

Një 21-vjeçar pa leje drejtimi ka aksidentuar me makinë një fëmijë të mitur 11-vjeç që po lëvizte me biçikletë.

Ngjarja ka ndodhur në fshatin Imësht të Lushnjës, ndërsa fëmija i mitur mësohet se ndodhet nën kujdesin e mjekëve.

Njoftimi i policisë:
O. C., 21 vjeç, banues në fshatin Ngurrëz e Vogël, Lushnjë, pasi në fshatin Imësht, duke drejtuar pa leje drejtimi automjetin tip “Benz” ka përplasur një fëmijë të mitur 11-vjeç, i cili po drejtonte një biçikletë dhe ndodhet në spital nën kujdesin e mjekëve. Shërbimet e Policisë bënë të mundur identifikimin, kapjen dhe arrestimin e 21-vjeçarit i cili pas aksidentit është larguar nga vendi i ngjarjes.