23 vite nga çlirimi i Kosovës/ Gjeneral Piro Ahmetaj: Fundi i Millosheviçit, gjakatari i Ballkanit

Zv/president i Atlantic Council, gjeneral Piro Ahmetaj thotë se 23 vite më parë më 12 qershor 1999, me çlirimin e Kosovës i erdhi fundi edhe Millosheviçit, të cilin e cilëson si gjakatarin e Ballkanit. “Mirënjohje NATO-s, që vulosi çlirimin e Kosovës, u legjetimua dhe mbetet aleanca e lirisë, shpresës dhe vlerave demokratike në mbarë botën”.

Postimi i plotë

Gëzuar 23 vjetorin e lirisë Kosovë e dashur. Falënderim dhe mirënjohje përjetë SHBA, NATO-s dhe Presidentit Klinton.

12 Qershori, datë e shenjtëruar në kujtesën e kombit, fundi i pushtimit të Kosovës dhe i kapitullimit të Millosheviçit, gjakatarit të Ballkanit.

12 Qershori, datë nderimi dhe përulje para sakrificave dhe dëshmorëve të kombit.

Mirënjohje NATO-s që vulosi çlirimin e Kosovës, u legjetimua dhe mbetet aleanca e lirisë, shpresës dhe vlerave demokratike në mbarë botën.