23-vjeçarja që gjeti vdekjen në taksi, dyshime se e vranë

Drejtuesi i një taksie dhe pasagjerja që udhëtonte së bashku me atë gjetën vdekjen në mesnatë për shkak të një aksidenti në autostradën Durrës-Tiranë.

Makina është në pronësi të Dardan Gjeka, dhe burimet thanë se nuk përjashtohet që aksidenti të jetë i qëllimshëm. Grupi hetimor po heton në dy pista: Ngjarje aksidentale dhe aksident i qëllimshëm.

Automjeti taksi u përplas nga një tjetër makinë pranë Maminasit. 60-vjeçari Agalliu nga Durrësi dhe 23-vjeçarja Elena Abdillari nga Tirana kanë gjetur vdekjen e menjëhershme, ndërsa drejtuesi i mjetit tjetër është larguar nga vendngjarja.

Nga veprimet e para, policia dyshon se mjeti tip “Benz” e ka goditur nga mbrapa taksinë dhe kjo e fundit për të devijuar është futur në një karburant. Në sediljen e parë të mjetit tip “Benz” janë gjetur dhe njolla gjaku.