Zgjidhet anëtarja e KLGJ nga Gjykata e Apelit, Emona Muçi zëvendëson Brikena Ukperaj

Emona Muçi shpallet fituese për vendin vakant të Gjykatës së Apelit në Këshillin e Lartë Gjyqësor. Mësohet se Muçi zëvendëson në këtë post Brikena Ukperaj.

Gjyqtarët e Republikës së Shqipërisë do të zgjedhin sot 3 gjyqtarët të cilët do të emërohen anëtarë të Këshillit të Lartë Gjyqësor për 5 vitet e ardhshme, duke zëvendësuar tre anëtarë që u përfundon mandati.

Anëtarëve që u përfundon mandati në dhjetor janë dy gjyqtarë në radhët e Gjykatës së Shkallës së Parë, Marçela Shehu dhe Brikena Ukperaj dhe nga radhët e Apelit largohet Dritan Hallunaj. Në garë për zëvendësimin e tyre janë 5 gjyqtarë.

Dy nga gjykatat e Apelit, Emona Muçi dhe Irida Kaçerja dhe 2 nga Shkallët e Para të Jurdiksionit të Përgjithshëm, Alma Kodraliu dhe Gentjana Muçaj, ndërsa Markeljan Koça vjen në garë nga Shkalla e Parë Administrative. KLGJ ka në total 240 gjyqtarë, teksa kanë nënshkruar sot praninë në mbledhje 236 gjyqtarë, të cilët morën pjesë në votim.