25 prilli, Mediu: Lista e koalicionit me siglat tona

Aleatët nuk do të jenë në listën e PD-së, por atë të koalicionit. Nesër, kur skadon dhe afati zyrtar i regjistrimit pritet të zbardhet dhe emri i këtij koalicioni dhe sa kandidatë do të kenë secili nga të vegjëlit. Orët e ardhshme janë vendimtare për formatin e marrëveshjes që do të firmoset.

Nesër PD dhe aleatët duhet të firmosin marrëveshjen për formatin e koalicionit me të cilin do të garojnë në 25 prill. Për Lulzim Bashën këto janë orë takimesh intensive, po ashtu dhe për aleatë që hyjnë e dalin në zyrën e tij.

Sipas Kodit Zgjedhor në marrëveshjen që duhet të depozitohet në KQZ duhet të specifikohet emri i koalicionit shkronjat e tij nistore dhe numrin e kandidatëve që i takojnë çdo partie për çdo zonë zgjedhore. Për t’i paraprirë çdo skenari të mundshëm, PR ka mbledhur firmat për mbështetjen e listës së saj të kandidatëve.