27 gra të zhdukura në Shqipëri, hetimet mbesin në letër

27 emra të grave dhe vajzave që në databazën e Policisë së Shtetit dhe Interpolit, rezultojnë të zhdukura pas viteve 90′.

Shumë prej vajzave dyshohet se janë dërguar jashtë vendit nga ku kanë humbur dhe gjurmët e fundit, ndërkohë që të dyshuar për shumicën e këtyre rasteve janë të afërm të viktimave ose persona të lidhur me to.

Nga ana e autoriteteve janë kryer kërkime dhe hetime por deri më tani shumë prej dosjeve janë mbyllur për shkak të mungesës së informacioneve dhe të të dhënave konkrete.

Ka indicie për hetimin dhe të rasteve të tjera por është e vështirë rihetimi dhe zbardhja e këtyre ngjarjeve për shkak të mungesës së dëshmitarëve apo informacioneve operative.