3 fëmijët në burg, nëna ndalohet ti vizitojë. Pista e vetme pse u v*ra Pëllumb Meta

Vijon puna për të zbardhur misterin e vrasjes së 50-vjeçarit Pëllumb Meta, edhe pse është e bija, Hygerta Meta ajo e cila thotë se e ka ekzekutuar babain me tre plumba, por që kemi të bëjmë një pistë që si policia, por edhe prokuroria nuk e beson.

Një pistë tjetër që po hetohet është dhe ajo e konflikteve pasurore të fëmijëve dhe gruas me viktimën, dhe është pista më kryesore për këtë krim.

Në ditët e fundit, ndërsa tre fëmijët ndodhen në burg, nëna e tyre është ndaluar që t’i vizitojë dhe të ketë kontakt me të. Më herët ajo i ka vizituar rregullisht, duke u dërguar ushqime, por tashmë Prokuroria ka vendosur që të mos e lejojë. Pritet që të ketë të tjera zhvillime nga hetimet, të cilat do të mund të hedhin dritë mbi këtë vrasje makabre dhe plot me mistere.