3 qytete në vend kanë vrasës që policia nuk i kap

Vrasje, ekzekutim, atentat, banda, hakëmarrje etj, janë fjalët që përshkruajnë situatën ku ndodhet Elbasani. Qyteti prej vitesh është në dorën e të fortëve, që vrasin e godasin nën syin e Policisë, dhe kjo e fundit tregohet e dobët dhe e tërhequr për të vënë ligjin në zbatim. Ekzekutimi i dyfishtë është në vazhdën e vrasjeve që lidhen me njëra-tjetrën.

Kamerat e sigurisë tregojnë se autorët ndihmohen edhe nga një person i tretë që drejtonte automjetin “Volvo”, ndërsa më herët kishin qarkulluar në zonë duke vëzhguar shënjestrat e atentatit. Ngjarja e fundit është vetëm një nga vrasjet mafioze të këtij viti ku autorët janë shfaqur të mirë-organizuar duke mos u zbuluar nga Policia.

Durrësi dhe Vlora janë qarqet me nga dy ekzekutime mafioze të pazbardhura ku viktimat kanë rënë pre e atentateve nga autorë të armatosur rëndë.

Në Shkodër vrasja e Bardhok Pllanaj më shumë gjasa do të arshivohet pa autor për mungesë provash ndërsa pak kohë më parë edhe Lushnja u trondit nga një atentat në qendër të qytetit me një të vrarë dhe katër të plagosur, hetimet për të cilin kanë mbetur në vend numëro.