3 viktima dhe 118 raste të reja në 24 orë nga Covid-19

Në 24 orët e fundit, betejën me virusin vdekjeprurës nuk e kanë fituar 3 pacientë dhe sipas Ministrisë së Shëndetësisë, jetën që nga fillimi i pandemisë e kanë humbur 2389. ”Me gjithë përpjekjet e stafit mjekësor 3 qytetarë e kanë humbur betejën me Covid-19: 2 qytetarë nga Tirana, 1 qytetar nga Shkodra, të moshave 54- 73 vjeç. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”,-informon Ministria e Shëndetësisë.

Po në 24 orët e fundit janë kryer 2079 testime, nga të cilat kanë rezultuar pozitivë 118 qytetarë. ”Rastet pozitive të konfirmuara janë identifikuar në këto bashki: 33 raste në Tiranë, 10 raste në Shkodër, 6 raste në Vlorë, Gjirokastër, 5 raste në Fier, Kukës, Lezhë, Skrapar, 4 raste në Devoll, Elbasan, Gramsh, 3 raste në Korçë, Tropojë, Sarandë, 2 raste në Krujë, Lushnje, Mirditë, Librazhd, Kuçovë, Vorë, Konispol, 1 rast në Durrës, Kurbin, Has, Mallakastër, Delvinë, Memaliaj, Patos, Këlcyrë”.

Lajmi i mirë është se në 24 orët e fundit janë shëruar 719 qytetarë, duke e çuar numrin e të shëruarve në 108,606 që nga fillimi i epidemisë. Në spitalet Covid në Tiranë dhe tre spitalet rajonale po trajtohen 129 pacientë, 11 në terapi intensive, nga të cilët 3 pacientë janë të intubuar.

Statistika (29 Prill 2021)

Raste të reja ditore 118
Të shëruar në 24 orë 719
Të shtruar në spitale 129
Humbje jete në 24 orë 3
Testime ditore 2079
Testime totale 632,901
Raste pozitive 130,977
Raste të shëruara 108,606
Raste Aktive 19,982
Humbje jete 2,389

Shpërndarja gjeografike e rasteve aktive sipas qarqeve:

Tiranë 16089
Fier 1465
Durrës 355
Shkodër 557
Korçë 409
Gjirokastër 313
Vlorë 255
Elbasan 141
Kukës 130
Dibër 103
Berat 99
Lezhë 66