3 viktima në 24 orë, përgjaket dita e fundit e 2020 dhe dita e parë e vitit në Shqipëri

2020 u mbyll tragjikisht me një vrasje të dyfishtë në Tiranë, por edhe Viti i Ri nisi me një tjetër ngjarje të rëndë. Paraditen e 31 dhjetorit, 59-vjeçari Përparim Ademi vrau bashkëjetuesen e tij Zhaneta Metani dhe motrën e saj Kristina Bardhi. Zhaneta kishte një lidhje me të. Autori i vrasjes së dyfishtë në Tiranë, Përparim Ademi ka deklaruar para grupit hetimor që e ka kryer krimin për shkak të xhelozisë.

Kurse mëngjesin e sotëm, një 34-vjeçar në gjendje të dehur ka qëlluar me thikë kunatin e tij, Vladimir Zvezhda, i cili si pasojë e plagëve të marra ka humbur jetën në spital. Autori dhe viktima kishin marrëdhënie të mira mes njëri-tjetrit, madje ka qenë Zvezhda që e kishte ftuar për të kaluar Vitin e Ri së bashku.

Si pasojë e konsumit të tepërt të alkoolit gjatë festës mes tyre dyshohet se ka pasur një debat, i degraduar më pas dhe më goditjen me thikë. 42-vjeçari u dërgua menjëherë në spital, por pavarësisht ndërhyrjes së mjekëve nuk ka mundur ti mbijetojë goditjes që ka marrë në shpinë.