35-vjeçari izolon nënën, gruan dhe vajzën në banesë. Vendosi kamera dhe bllokues valësh për telefonat

Një ngjarje e rëndë është zbuluar në një familje në Tiranë. Një 35-vjeçar mbante të mbyllur në banesë, gruan dhe vajzën e mitur, si edhe nënën e tij, duke mos i lejuar që të dalin nga shtëpia sa herë që ai largohej.

Policia e Tiranës, pasi ka marrë informacione mbi këtë situatë, ka bërë të mundur arrestimin e 35-vjeçarit Jetnor Zh. I riu, përveç mbylljes në banesë ushtronte dhunë fizike dhe psikologjike sistematike ndaj bashkëshortes së tij.

Veprimet e tij ishin edhe më ekstreme. Pasi në rastet kur largohej nga banesa, mbyllte nënën, vajzën dhe gruan dhe madje i monitoronte lëvizjet e tyre gjatë gjithë kohës me kamerë. Po ashtu, u ndalonte edhe komunikimin me persona të tjerë duke u bllokuar valët e telefonit në mënyrë që mos të kontaktonin me të afërm apo të tjerë.

“Falë reagimit në kohë të shërbimeve të Komisariatit të Policisë Nr. 1, në bashkëpunim me Seksionin për Parandalimin e Dhunës në Familje dhe Mbrojtjes së të Miturve, në DVP Tiranë, parandalohet një ngjarje e mundshme kriminale, në një familje.

Mbante të mbyllur në banesë nënën, bashkëshorten dhe vajzën e tij të mitur, sa herë që ai largohej, duke ju ndaluar komunikimin me persona të tjerë, si dhe ushtronte dhunë fizike dhe psikologjike, në mënyrë të vazhdueshme, ndaj bashkëshortes, kapet dhe vihet në pranga 35-vjeçari.

Shërbimet e Komisariatit të Policisë Nr. 1, në bashkëpunim me Seksionin për Parandalimin e Dhunës në Familje dhe Mbrojtjes së të Miturve në DVP Tiranë, pas informacionit të marrë se një shtetas, ushtronte dhunë në mënyrë të vazhdueshme ndaj bashkëshortes së tij, si dhe e mbante të mbyllur atë, nënën dhe vajzën e tij, sa herë ai largohej nga banesa, menjëherë kanë organizuar punën për dokumentimin e plotë ligjor të rastit, dhe vënien e autorit të dyshuar, përpara përgjegjësisë penale.

Si rezultat, falë reagimit në kohë të shërbimeve të Komisariatit të Policisë Nr. 1, u arrestua shtetasi J. Zhaboli, 35 vjeç, banues në Tiranë.

Nga veprimet hetimore të kryera ka rezultuar se 35-vjeçari, ushtronte dhunë në mënyrë të vazhdueshme ndaj bashkëshortes së tij, të cilën e mbante të mbyllur në banesë, së bashku me nënën dhe vajzën e tyre të mitur.

Gjithashtu, nga verifikimet e kryera ka rezultuar se 35-vjeçari, sa herë largohej nga banesa, i monitoronte me kamera dhe ju bllokonte valët e telefonit duke mos i lejuar të komunikojnë me asnjë person“, njofton policia.