37-vjeçari që u vra gabimisht. 7 shqiptarët, pjesë e një bande në Greqi

Pëllumb Islami është shqiptari që u vra gabimisht në Greqi. 37-vjeçari mësohet se ishte me profesion hidraulik. Viktima që njihej edhe si Sandri ishte klient i rregullt, por nuk kishte asnjë lidhje me bandën shqiptare prej 7 personash që filluan të qëllonin me armë.

Shkak u bë një sherr mes disa personave të tjerë në lokal që sipas dëshmitarëve ishin gjithashtu shqiptarë. Ata thanë se fillimisht në një zonë të rezervuar VIP ishin ulur 4 persona dhe më pas mbërritën edhe 3 të tjerë. Menjëherë mes tyre ka nisur një përplasje e ashpër me fjalë e sende të forta.

“Dëgjova 6-7 të shtëna ndaj dola jashtë. Ishte rrëmujë. E pashë viktimën të shtrirë përtokë. Dëgjova disa persona që thoshin “ik ik”. Më pas erdhi policia dhe ambulanca qe mori viktimën”, tha një dëshmitar.

Kamarierja ka bërë përshkrimin e asaj që ndodhi brenda lokalit. Vetëm pak para mesnatës, 7 shqiptarët hynë në lokal dhe zunë një vend dhe vetëm pak minuta pasi kamerierja i shërbeu gota me ujë, ata u ngritën dhe qëlluan me armë duke plagosur klientin që ishte vetëm në tavolinë.