38 operatorë firmosin marrëveshjen për uljen e tarifave roaming BE-Ballkanit Perëndimor

Nga 1 tetori tarifat e roaming-ut ndërmjet BE-së dhe Ballkanit Perëndimor do të ulen gradualisht. Komisioneri për zgjerimin njofton se marrëveshja vullnetare midis 38 operatorëve të telekomunikacionit është një hap i madh.

“Unë mirëpres nënshkrimin e marrëveshjes vullnetare midis 38 operatorëve të telekomunikacionit. Ulja e tarifave të roaming midis BE-së dhe Ballkanit Perëndimor nga 1 tetori i këtij viti do të sjellë përfitime për BE-në dhe qytetarët dhe bizneset e Ballkanit Perëndimor”, tha Varhelyi.

38 operatorë telekomunikacioni nga BE-ja dhe Ballkani Perëndimor kanë rënë dakord të bëjnë roamingun e të dhënave midis Ballkanit Perëndimor dhe BE-së më të përballueshme për qytetarët dhe bizneset në të dy rajonet, në një proces të mbështetur nga Këshilli i Bashkëpunimit Rajonal (RCC) dhe Komisioni Evropian. Kjo marrëveshje përputhet me Deklaratën e Roaming-ut të nënshkruar në Samitin e Dhjetorit BE-Ballkani Perëndimor në Tiranë.

With another step closer to the EU Single Market, from 1 October #roaming charges between the EU & Western Balkans will gradually decrease.
The voluntary agreement between the 38 telecom operators is a great & exemplary step. Congratulations!
🔗https://t.co/Iff8G6U3UU pic.twitter.com/sx58ebNJ7A

— Oliver Varhelyi (@OliverVarhelyi) May 4, 2023