4 viktima dhe 30 raste të reja në 24 orë, 99 të shtruar në spitale

Covid-19 vijon që të pësojë ulje të shifrave, edhe pse në 24 orët e fundit nuk e kanë fituar betejën me virusin vdekjeprurës 4 pacientë. Numri i viktimave që nga nisja e pandemisë shkon në 2416. ”Me gjithë përpjekjet e stafit mjekësor betejën me Covid-19 nuk e kanë fituar 4 qytetarë: 1 qytetar nga Gjirokastra, 1 qytetar nga Berati, 1 qytetar nga Pogradeci, 1 qytetar nga Fushë-Arrëzi, të moshave 51-79 vjeç. Ministria e Shëndetësisë dhe Mbrojtjes Sociale i shpreh ngushëllimet familjes”,-informon Ministria e Shëndetësisë.

Po në 24 orët e fundit janë kryer 1444 testime, nga të cilat kanë rezultuar pozitivë 30 qytetarë. ”Rastet pozitive të konfirmuara janë identifikuar në këto bashki: 10 raste në Tiranë, 3 raste në Korçë, Devoll, Sarandë, 2 raste në Vorë, 1 rast në Shkodër, Fier, Lushnje, Vlorë, Mirditë, Kamëz, Malësi e Madhe, Kolonjë, Gramsh”.

Lajmi i mirë është se në 24 orët e fundit janë shëruar 952 qytetarë, duke e çuar numrin e të shëruarve në 118,041 që nga fillimi i epidemisë. Aktualisht në spitalet Covid po trajtohen 99 pacientë, 6 në terapi intensive, nga të cilët 4 pacientë janë të intubuar.

Ministria e Shëndetësisë dhe Mbrojtjes Sociale ju bën apel të gjithë qytetarëve të mos e ulin vigjilencën dhe të vijojnë të zbatojnë rregullat për parandalimin e Covid-19: Vendosni maskën mbrojtëse në çdo ambient jashtë shtëpisë, shmangni grumbullimet, ruani distancimin fizik; kujdesuni për higjienën vetjake dhe vetëizolohuni kur dyshoni se jeni të prekur nga Covid-19.

Statistika (10 Maj 2021)

Raste të reja ditore 30
Të shëruar në 24 orë 952
Të shtruar në spitale 99
Humbje jete në 24 orë 4
Testime ditore 1444
Testime totale 660,272
Raste pozitive 131,753
Raste të shëruara 118,041
Raste aktive 11,296
Humbje jete 2,416

Shpërndarja gjeografike e rasteve aktive sipas qarqeve:

Tiranë 9407
Shkodër 327
Fier 263
Korçë 230
Gjirokastër 238
Durrës 183
Vlorë 182
Elbasan 133
Lezhë 10
Berat 89
Dibër 82
Kukës 62