40 kompani në garë, OBSH jep lajmin e mirë: Vaksina kundër koronavirusit mund të jetë gati brenda këtij viti

Organizata Botërore e Shëndetësisë ka dhënë një lajm të mirë, sa i përket luftës përballë pandemisë së koronavirusit.

“Kemi shumë shpesa që brenda këtij viti të kemi një vaksinë kundër koronavirusit”, kjo ishte deklarata e kreut të OBSH, Tedros Adhanom Ghebreyesus në fund të një takimi të komitetit ekzekutiv të organizatës që zgjati për dy ditë.

Aktualisht në të gjithë botën janë duke u zhvilluar 40 vaksina të ndryshme, përfshirë këtu dhe atë të universitetit të Oksfordit që ndodhet në faza testimi më të avancuara.