5 qarqet që janë pranë numërimit total të votave

Procesi i numërimit të votave ende nuk ka përfunduar. Megjithatë disa qarqe, edhe për shkak të numrit të vogël të kutive, janë pranë përfundimit dhe pritet që rezultatet përfundimtare të mbyllen sonte. Bazuar në shifrat e publikuara, sot pritet që të mbyllin numërimin qarqet: Elbasan; Fier; Kukës; Berat dhe Gjirokastër. Sipas të dhënave, Elbasani ka numëruar 414 nga 511 kuti; Fierit i kanë mbetur edhe 140 kuti; Kukësi ka edhe 4 kuti pa lexuar; Berati 45. Ndërsa Gjirokastra vetëm 30 të tilla.