5 vjet nga heqja e vizave, Fajon: Bëra gjënë e duhur

Eurodeputetja sllovene, Tanja Fajon, e cila ndihmoi Shqipërinë në procesin e liberalizimit të vizave, ka publikuar në Facebook një foto që i është dhënë sot, por që është bërë pikërisht ditën e liberalizimit, pesë vjet më parë.

Në foto janë një grup studentësh shqiptarë në Torino, të cilët udhëtuan drejt Brukselit për të përshëndetur vendimin, me banderola ku shkruhej “Faleminderit BE, faleminderit Tanja Fajon”.

Në Facebook, Fajon ka shkruar se ky është një kujtim i bukur dhe i falënderon ata.

“Kujtim i bukur. Këto janë momentet kur ti e di që po bëje gjënë e duhur. Mora këtë foto nga studentët shqiptarë, e cila ishte bërë në Bruksel saktësisht 5 vjet më parë. Si falënderim për liberalizimin e vizave për Shqipërinë.

Tani, unë ju falënderoj juve!”, shkruan Fajon.