500 shqiptarë kthehen nga Italia

Italia ndodhet në gjendje emergjence për shkak shpërthimit të papritur të virusit kinez. Edhe pse veriu i Italisë ndodhet në karantinë, lëvizja e lirë e qytetarëve ka vijuar normalisht. Vetëm mëngjesin e të hënës, nga Italia, mbërritën rreth 500 qytetarë shqiptarë me tragetet e linjës Bari-Durrës. Pasagjerët kanë udhëtuar normalisht dhe përgjithësisht janë vizitorë nga Shqiqëria që kthehen. Numri i i udhëtarëve është në trendin normal të kësaj linje. Gjatë udhëtimit janë mbajtur nën kujdes mjekësor si dhe janë kryer kontrolle para daljes nga trageti. Deri tani nuk është paraqitur asnjë rast. Dhe autoritetet theksojnë se nisur nga gjendja e deritanishme nuk ka vend për panik.