57-vjeçari del i gjallë nga banesa, lë nën rrënoja gruan dhe katër fëmijët

Një 57-vjeçar është nxjerrë nga rrënojat e pallatit ku jetonte. Kërkesa e tij e parë sapo është vendosur në barrelë ka kërkuar që t’i jepet ujë.

Nga banorët e tjerë mësohet se ai është Robert Cara, 57-vjeç.

Cara ka qënë i pranishëm në banesë bashkë me gruan e tij dhe katër fëmijët e tyre, ku më i madhi është 30 vjeç. Deri më tani nga rrënojat është shpëtuar vetëm kryefamiljari.

Shqipëria është goditur sot nga një valë tërmetesh të fuqishëm, e për pasojë kanë humbur jetën mbi 10 persona dhe janë plagosur mbi 350 të tjerë.

Dëmet materiale janë të panumërta ndërkohë që deri më tani janë raportuar tre viktima.