57-vjeçari i dehur bie në gropën e ashensorit, ndërron jetë në vendngjarje

Një 57-vjeçar i dehur ka humbur jetë, ndërsa ka rënë në gropën e një ashensori. Ngjarja ka ndodhur rreth orës 12:50 të 2 majit, në rrugën “Aleksandër Moisiu” në Tiranë.

Sipas njoftimit të policisë, 57-vjeçari ka rënë në gropën e pallatit dhe ka humbur jetën në vendin e ngjarjes si pasojë e palgëve të marra.

“Më datë 02.05.2024, rreth orës 12:50, në rrugën “Aleksandër Moisiu”, shtetasi I. I., 57 vjeç, dyshohet se, duke qenë në gjendje të dehur, ka rënë në gropën e ashensorit të një pallati dhe si pasojë e dëmtimeve të marra ka humbur jetën”, njofton policia.