7 deputetë të “opozitës së re” kërkojnë interpelancë urgjente me Klosin, e firmos dhe Majlinda Halilaj

7 deputetë të opozitës së re në Kuvend, të kryesuar nga Ligoraq Karamelo, kanë kërkuar një interpelancë me ministrin e mjedisit Blendi Klosi.

Deputetët shprehen se kërkojnë shpjegim të menjëhershëm lidhur me dëmtimet serioze të sipërfaqeve të mëdha pyjore halore në rrethin e Korçës, Kolonjës, Pukës, Mirditës, Peshkopisë.

7 deputetët që kanë firmosur për interpelancën janë Ligoraq Karamelo, Vasil Sterjovski, Nikolin Staka, Zef Shtjefni, Majlinda Halilaj, Ediola Braha dhe Kujtim Gjuzi.

Postimi i plotë i Karamelos:

Sot një grup prej 7 deputetësh i drejtuam Kuvendit të Shqiperisë një kërkesë për interpelancë urgjente me Ministrin e Turizmit dhe Mjedisit, Z.Blendi Klosi ku kërkojmë shpjegim lidhur me dëmtimet serioze të sipërfaqeve të mëdha pyjore halore në rrethin e Korçës, Kolonjës, Pukës, Mirditës, Peshkopisë nga Procesionaria shkatërruesja e tyre e pamëshirshme, e cila ka tharë me mijra pisha e rrezikon mijra të tjera.

Për rrjedhojë ,kjo gjendje ka dëmtuar ekosistemin pyjor, mjedisin e turizmin në këto zona.

Faleminderit kolegëve te mi, Vasil Sterjovski, Nikolin Staka, Zef Shtjefni, Majlinda Halilaj, Ediola Braha dhe Kujtim Gjuzi të cilet iu bashkuan iniciativës time.