71-vjeçari qëlloi me a*më, RENEA e arreston pas 30 minutash

71-vjeçari Edmond Naska, këtë të martë terrorizoi lagjen 15 në qytetin e Korçës, duke qëlluar me armë zjarri dhe shkaktoi panik tek banorët e zonës. Uniformat blu dhe shërbimet e Repartit Special RENEA rrethuan zonën pasi burri u mbyll në banesën e tij. Fillimisht ai u mbajt në vëzhgim nga policia vendase, derisa mbërriti RENEA.

“U dëgjuan disa të shtëna, pastaj mora nusen dhe djalin dhe dolëm nga shtëpia, ikëm. Ajo u tremb! Në shtëpi ishim dëgjuam ato të shtëtant. Banojmë në të njëjtin pallat, në kat të tretë ngjitur me atë. Po unë tip të qetë e dija, po ai nuk para dilte, ishte tip i mbyllur. Unë kam tre vite që jetoj këtu, nuk njihja më përpara. Nuk e dinim që ishte tip kaq i rrezikshëm”, thotë fqinji i të moshuarit.

Nuk kaloi as 30 minuta, kur forcat e specializura për raste të tilla, arritën të hynin brenda shtëpisë, duke shkulur kangjellat e ballkonit dhe më pas thyer xhamat. I moshuari me probleme mendore kishte mbyllur derën.

Fqinji i tij Markelian Dhimitri tregoi se Naska nisi të shtinte më armë rreth orës 10.15 të paraditës së kësaj të marte. Banorët e lagjes ishin terrorizuar dhe në të njëjtën kohë, në sallën operative të policisë mbërritën dhjetra telefonata.